नगर निगम रिसाली के नवा कार्यालय भवन के सीएम बघेल करिन लोकार्पण

अंजोर.दुर्ग। दुर्ग के रिसाली के निवासी मन खातिर आज के दिन ऐतिहासिक रिहिस। मुख्यमंत्री भूपेश बघेल ह रिसाली निगम के नवा कार्यालय के शुभारंभ करिन। मुख्यमंत्री ह ये मउका म रिसाली निगम म 12 करोड़ 74 लाख रुपिया के कार्य के लोकार्पण अउ 1 करोड़ 59 लाख रुपिया के भूमिपूजन करिन। ये मउका म ओमन राजीव गांधी आश्रय योजना अउ मुख्यमंत्री आबादी पट्टा योजना के हितग्राही मनला भूमिस्वामी अधिकार तको सउपिन। ये मउका म जिला के प्रभारी मंत्री अउ वन मंत्री मोहम्मद अकबर, गृहमंत्री ताम्रध्वज साहू, नगरीय प्रशासन अउ विकास मंत्री डॉ. शिव कुमार डहरिया तको उपस्थित रिहिस।

मुख्यमंत्री ह म रिसाली निगम म 30 बिस्तर अस्पताल तत्काल आरंभ करने के निर्देश दिस। ओमन किहिन के ये अस्पताल ल 100 बिस्तर तक विस्तारित करे जाही अउ रिसाली म आउटडोर स्टेडियम तको बनाये जाही। ओमन उद्यान निर्माण खातिर 50 लाख रुपिया के स्वीकृति दीस अउ तालाब के जीर्णोद्धार कार्य के घोषणा करिन। बघेल ह किहिन के रिसाली निगम के जरूरत के अनुरूप नागरिक के साथ मिलकर उंकर फीडबैक लेके कार्य योजना तैयार करे जाही अउ कार्य आरंभ करे जाही। ओमन किहिन के रिसाली नगर निगम के विकास सर्वोच्च प्राथमिकता हावय। इहां अस्पताल, महाविद्यालय सामुदायिक भवन आदि सबो आवश्यकता के संबंध म विकास के खाका तैयार करे जावत हावय, रिसाली निगम म जइसे भी मांग आही ओकर परीक्षण करके तत्काल स्वीकृत करे जाही। 

ये मउका म प्रभारी मंत्री मोहम्मद अकबर ह किहिन के मुख्यमंत्री भूपेश बघेल के नेतृत्व म किसान मनके हित म विकास होए हावय। राज्य शासन के सबो योजना चाहे वो कर्ज माफी के योजना हो या 2500 रुपिया म धान के खरीदी हो। राज्य म किसान के स्थिति म सुधार होए हावय। नागरिक मनके आर्थिक स्थिति म सुधार होइस अउ येकर ले सबोच के अर्थ व्यवस्था सुधरे हावय।