कुडूख भासा के मासिक पत्रिका पड़हा पुंप के विमोचन करिन मंत्री अमरजीत भगत

अंजोर.जशपुर। खाद्य नागरिक आपूर्ति अउ जिला के प्रभारी मंत्री अमरजीत भगत ह आज जशपुर विकासखंड के टिकैतगंज म स्व. भीखराम भगत के 83 वीं जयंती कार्यक्रम म शामिल होइन अउ सामाजिक कुडूख मासिक पत्रिका पड़हा पुंप के विमोचन करिन। अउ ओमन समाज ल स्व. भीखराम भगत जी के जयंती खातिर 3 लाख रूपिया दे के घोषणा तको करिन हावय। 

प्रभारी मंत्री अमरजीत भगत ह किहिन के आज हम सबो समाज के लोगन मन स्व. भीखराम भगत जी के जयंती के जुरियाए हावय। ओमन समाज के क्षेत्र म बुता करइया आन विभूति मनला तको सुरता करिन अउ समाज के लोगन ल उंकर आदर्शो म चले के आग्रह करिन। भगत ह किहिन के समाज के लोगन मन प्रकृति पुत्र हाए, प्रकृति के गोद म जन्म ले हावय, प्रकृति के पूजा करथे। उंकरे आशीर्वाद ले सबो लोगन मन सुख-समृद्धि के साथ जीवन व्यतीत करत हावय।

ये मउका म अमरजीत भगत ह स्थानीय कुडूख भाषा म संबोधित करिन अउ अउ स्थानीय गीत गाके सबो ल प्रोत्साहित करिन। समाज के लोगन संग मादर के थाप म नृत्य करत अपन हार्दिक बधाई अउ शुभकामनाएं दी। कार्यक्रम ल झारखंड राज्य के वित्त मंत्री डॉ. रामेश्वर उरांव ह तको समाज के लोगन ल संबोधित करत शिक्षा स्वास्थ्य अउ आन क्षेत्र म पढ़-लिखकर आगू बढ़े खातिर प्रोत्साहित करिन। ये मउका म विधायक विनय भगत, प्रितम राम भगत, गुलाब कमरो, राजी देवान रामचंद्र प्रधान, राजी कहतो बसंत कुमार भगत, सुखदेव भगत बेल, रामकुमार भगत देवान, मांगे एक्का बेल, मंचन उरॉव देवान, खुदी भगत दुखी बेल, परमेश्वर भगत देवान, रन्जू उरॉव बेल, शिव टोप्पो देवान कलेक्टर महादेव कावरे, जिला पुलिस अधीक्षक बालाजीराव, जनपद पंचायत उपाध्यक्ष संजीव भगत, मनोजसागर यादव, अजय गुप्ता, सहित जनप्रतिनिधि उपस्थित रिहिन।