अंजोर.रायपुर। शासकीय नागार्जुन विज्ञान महाविद्यालय के राष्ट्रीय सेवा योजना के राज्य स्तरीय सम्मान समारोह उरकीस जेमा म प्रदेश के उच्च शिक्षा, खेल अउ युवा कल्याण विभाग के मंत्री उमेश पटेल ह माई पहुना रिहिस। ये मउका म ओमन किहिन के राष्ट्रीय सेवा योजना के बुता बहुत महत्वपूर्ण हाबे। राष्ट्रीय सेवा योजना शिविर लगाके गांव म सामाजिक अउ मानव कल्याण के कार्य करत हावय। ओमन किहिन के एन.एस.एस के स्वयं सेवक के सेवा सराहनीय हाबे। स्वास्थ्य शिविर अउ आपदा प्रबंधन म सहयोग के साथ एन.एस.एस गांव म जन जागरूकता अउ शासकीय योजना ल जन-जन तक पहुंचाये म तको महत्वपूर्ण योगदान देत हावय। पटेल ह राष्ट्रीय युवा दिवस के मउका म स्वामी विवेकानंद के जन्मदिन म स्वामी जी ल नमन कर उंकर मानवता खातिर करे बुता सुरता करत युवा मनला स्वामी विवेकानंद के बताए रस्ता म चले खातिर प्रेरित करिन।
ओमन किहिन के मुख्यमंत्री भूपेश बघेल राष्ट्रीय सेवा योजना के पुरस्कार ल विस्तारित करे के घोषणा करे हावय। आगू राष्ट्रीय सेवा योजना के तहत सिर्फ चार पुरस्कार दे जाबे, अब छत्तीसगढ़ म राष्ट्रीय सेवा योजना के अंतर्गत उत्कृष्ट बुता करइया स्वयं सेवक अउ कार्यक्रम अधिकारी अउ संस्था ल बीस पुरस्कार प्रदान करे जात हाबे। उच्च शिक्षा मंत्री ह राज्य स्तरीय राष्ट्रीय सेवा योजना खातिर चयनित 20 पुरस्कार क्रियान्वयन वर्ष 2019-20 खातिर प्रदान करिन। जेमा संस्था म महाविद्यालय स्तर म अध्ययन शाला ईकाई पंडित रविशंकर शुक्ल विश्वविद्यालय रायपुर ल अउ विद्यालय स्तर म शासकीय आदर्श उच्चतर माध्यमिक विद्यालय बसना जिला महासमुन्द ल पुरस्कृत करिन।
कार्यक्रम अधिकारी म महाविद्यालय स्तर म शंकराचार्य ग्रुप ऑफ इंस्टीट्यूट भिलाई के डॉ. डी. एस. रघुवंशी ल अउ डॉ. खूबचंद बघेल शासकीय स्नातकोत्तर महाविद्यालय भिलाई के डॉ. अल्पना देशपाण्डेय ल पुरस्कृत करिन करे गिस। विद्यालय स्तर म शासकीय उच्चतर माध्यमिक विद्यालय तारापुर के भोजराम पटेल अउ शासकीय उच्चतर माध्यमिक विद्यालय सिंधाभेंडी के सोमदत्त साहू ल पुरस्कृत करे हावय।
महाविद्यालय स्तर के स्वयं सेवक म शंकराचार्य कॉलेज जुनवानी, भिलाई के कुमार तनुजा वर्मा, शासकीय रानी सूर्यमुखी देवी महाविद्यालय छुरिया के नरेश कुमार साहू, शासकीय दानवीर तुलाराम महाविद्यालय उतई के परमेश्वर कुमार ठाकुर, शासकीय महाविद्यालय कांकेर के कुमारी शिल्पा साहू, शासकीय विज्ञान महाविद्यालय बिलासपुर के अक्षत तिवारी अउ कमला नेहरू महाविद्यालय कोरबा के अटल श्रीवास्तव ल पुरस्कृत होइन। अइसने शासकीय जे.यो.छत्तीसगढ़ महाविद्यालय रायपुर के निखिल कुमार यादव, समाजशास्त्र अध्ययन शाला कला भवन पंडित रविशंकर शुक्ल विश्वविद्यालय रायपुर के टकेश्वर साहू, शासकीय बाबू छोटे लाल श्रीवास्तव स्नातकोत्तर महाविद्यालय धमतरी के तुषार पाण्डेय, सांई बाबा आदर्श महाविद्यालय डिगमा अम्बिकापुर के कुमारी राधिका, शासकीय रामनुज सिंह देव स्नातकोत्तर महाविद्यालय बैकुन्ठपुर के कुमारी शालिनी सिंह श्याम, कृषि महाविद्यालय रायपुर के गागेन्द्र सिंह राजपुत, शंकराचार्य ग्रुप आफ इन्टीट्यूशन भिलाई एस-1 के स्वाति घोटे अउ शंकराचार्य इंजीनियरिंग कॉलेज भिलाई एस-2 के राकेश कुमार ल पुरस्कृत करे हावय। अइसने विद्यालय स्तर के स्वयं सेवक म शासकीय उच्च्तर माध्यमिक विद्यालय छछानपाहरी के कुमारी छवि साहू, शासकीय उच्च्तर माध्यमिक विद्यालय घुघवा के निखिल, शासकीय उच्च्तर माध्यमिक विद्यालय सिसेदर के जय कुमार चक्रवर्ती, शासकीय उच्च्तर माध्यमिक विद्यालय अकलतरा के आशीष खण्डेल, शासकीय उच्च्तर माध्यमिक विद्यालय बारनवापारा के रोहित कुमार धु्रव अउ शासकीय उच्च्तर माध्यमिक विद्यालय कुनकुरी के कुमारी रिमा सिंह ल पुरस्कृत करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।