अंजोर.कोण्डागांव। प्रदेश म स्वास्थ्य विभाग के जारी कोविड अस्पताल के रैंकिंग म बेहतर स्वास्थ्य सेवा दे के आधार म कोण्डागांव जिला पहिली नम्बर म हावय। ये रैंकिंग कोविड अस्पताल म कोरोना संक्रमित मरीज ल समय म ईलाज, दवा अउ सुविधा दे के आधार म तय करे गे हावय। मिले आरो के मुताबिक शासन कोति ले ये सर्वेक्षण कोविड अस्पताल म कोरोना के ईलाज के बाद डिस्चार्ज होवइया मरीज ले फीडबैक के आधार म करे गे हावय अउ अस्पताल ल दिये गे सबो रैंकिंग मरीज मनके फीडबैक के आधार म हावय। ये प्रकार ले कोण्डागांव जिला म तको सर्वेक्षण के दौरान फीडबैक एकत्रित करे गे रिहिस। येकर तहत् डेडिकेटेड अस्पताल कोविड केयर्स सेंटर्स अउ प्राइवेट अस्पताल शामिल रिहिस। जेमा डॉक्टर मन कोति ले प्रतिदिन मरीज मनके जांच, स्वास्थ्य कार्यकर्ता के मरीज के संग स्वास्थ्य संबंधी दूरभाष वार्तालाप, दवाईय के किट अउ मास्क वितरण, सहीं समय म भोजन के वितरण, ओकर गुणवत्ता, पेयजल अउ गर्म पानी के सुविधा, प्रसाधन कक्ष अउ वार्ड के साफ-सफाई, स्वास्थ्य कर्मी के व्यवहार जइसे सूचकांक शासन डहर ले निर्धारित करे गे रिहिस।
जिला चिकित्सालय कोति ले यहू बताये गे हावय के अब तक 01 हजार 22 मरीज कोविड अस्पताल म भर्ती रिहिस, जेमा 963 मरीज डिस्चार्ज करे गिस। अस्पताल म 04 के उपचार के दौरान मृत्यु होगे, जबकि 55 मरीज ल जिला के बाहर बेहतर उपचार खातिर अस्पताल म रेफर करिन हावय। जिला के कोविड केयर सेंटर अउ कोविड अस्पताल म 14 डॉक्टर अउ 34 स्टॉफ नर्स अउ 08 वार्ड बॉय तैनात हाबे साथ ही 100 बिस्तर वाला अस्पताल म 30 बिस्तर सेंट्रल ऑक्सीजन ले जुड़े हाबे अउ सबो कोविड-19 मरीज ल ‘सीटी स्कैन‘ के सुविधा तको उपलब्ध कराये जात हाबे। वर्तमान म जिला म कुल 4947 कोरोना पॉजिटीव पाये गे हाबे, जेमा ले 4869 मरीज अब तक ठीक हो चुके हाबे, जबकि जिला के 32 झिन के कोरोना ले मउत होए हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।