अंजोर.रायपुर। प्रधानमंत्री कौशल विकास योजना के तहत रायपुर जिला के युवा खातिर आई.टी.आई. माना म निःशुल्क कौशल प्रशिक्षण के आयोजन करे जात हावय। जेमा इलेक्ट्रिकल वाइंडर अउ इलेक्ट्रिकल टेक्नीशियन ट्रेड म अभ्यर्थी मनला निःशुल्क प्रशिक्षण दे जाही। येमा योग्यता 10वीं कक्षा उत्तीर्ण अउ आयु सीमा 18 वर्ष ले 45 वर्ष निर्धारित करे गे हावय।
आवेदक 15 जनवरी तक प्राचार्य आई.टी.आई. माना या जिला कौशल विकास प्राधिकरण के कलेक्ट्रेट रायपुर परिसर स्थित कार्यालय म आवेदन कर सकत हाबे। येकर मोबाइल नम्बर 9826403108 अउ 9827881910 म तको अपन नाम, जन्मतिथि, मोबाईल नम्बर, पता, कोर्स के नाम शैक्षणिक योग्यता लिखके व्हाट्सअप या एस.एम.एस करके तको आवेदन कर सकत हाबे। अभ्यर्थी प्रशिक्षण अवधि 4 महीना के होही। ये दौरान ओमन ला सैद्धांतिक अउ प्रायोगिक प्रशिक्षण दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।