Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

रिसदा म विकासखण्ड स्तरीय आयुष स्वास्थ्य शिविर म 350 ले आगर मरीज के उपचार


अंजोर.बलौदाबाजार। आयुष विभाग बलौदाबाजार विकासखण्ड के अंतर्गत ग्राम पंचायत रिसदा म विकासखण्ड स्तरीय आयुष स्वास्थ्य शिविर के आयोजन करे गे रिहिस। शिविर के शुभांरभ ग्राम के सरपंच जितेन्द्र खूंटे ह भगवान धन्वन्तरि के पूजा अर्चना के साथ करिन। मिले आरो के मुताबिक शिविर म केऊ प्रकार के रोग ले संबंधित लगभग 350 ले आगर मरीज के ईलाज अउ निःशुल्क औषधि के वितरण करे गिस। 

ये मउका म काढ़ा पिलाये के साथ ही ठंड ले बचे के उपाय तको बताये गिस। डॉ एम एल ध्रुव ह काढ़ा बनाये के विधि अउ ठण्ड ले बचे के सर्वोत्तम उपाय के जानकारी देवत किहिन के दैनिक खान-पान म आंवला,अजवायन, तिल के लडडू, मेवा लडडू, बाजरा रोटी, बादाम, अदरक, शहद, मूंगफली, हरी सब्जी, रेनबो डाइट लेवा। येकर ले ठण्ड ले बचाव होथे अउ रोग प्रतिरोधक क्षमता म अपार बढ़ोत्तरी होथे। ये शिविर म डा. सुरेश कुमार मेहत, डॉ देवेन्द्र कुमार भैना ह अपन विशेष सेवा प्रदान करिन अउ साथ ही आन जनप्रतिनिधि गण शामिल होइन जेमा उपसरपंच परेश वैष्णव, पंच संतोष साहू, दाऊ राम, जितेन्द्र धुरंधर संग विभाग के कर्मचारी गण उपस्थित रिहिस।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285