13 लाख रूपिया के छड़ अउ ट्रक लूटपाट के आरोपी घरघोड़ा पुलिस के हिरासत म

अंजोर.रायगढ़। घरघोड़ा पुलिस ह मेन रोड़ म ट्रक ड्रायवर ले 25 टन लोहा के छड़ अउ ट्रक के लूटपाट करइया चार आरोपी ल गिरफ्तार करके उंकर तिर ले सरिया अउ ट्रक ल बरामद करे हावय। पुलिस कोति ले मिले आरो के मुताबिक लूट के अपराध म सबो आरोपी ल गिरफ्तार करके रिमांड म भेज दे गे हावय।

जानकारी के मुताबिक ट्रक ड्रायवर अलेक्जेंडर खलखो (29 साल) निवासी ग्राम चोनदरहा, जशपुर ट्रक क्रमांक CG 14 ME -8221 म खलासी गोदू चौहान निवासी ग्राम कुंजारा के संग NR-TMT फैक्टरी पूंजीपथरा ले करीब 25 टन लोहा के छड कीमती करीब 13,25,000 ल लोड़कर कांसाबेल जात रिहिस। साहू ढाबा के पास मेन रोड़ म एक मोटर सायकल म चार झिन ट्रक ड्रायवर अलेक्जेंडर ल डरा धमकाके मारपीट करत ग्राम कोनपारा लेगे। ट्रक ड्रायवर घरघोड़ा पहुंचके रिपोर्ट दर्ज कराइस जेमा अप.क्र. 03/2020 धारा 341, 394 IPC दर्ज करके विवेचना म लिये गिस।

रिहिसना प्रभारी घरघोड़ा निरीक्षक अमित सिंह वरिष्ठ अधिकारी ल लूटपाट के जानकारी देके संदेही परमानंद राठिया ल हिरासत म लेके पूछताछ करे म अपन तीन आन साथी लाभोराम राठिया, संत कुमार राठिया अउ संतराम राठिया ल लूटपाट म शामिल होना बताइस।