अंजोर.बस्तर। बस्तर रेंज म चलात माओवादी उन्मूलन अभियान के तहत् बासागुड़ा-जगरगुण्डा एरिया कमेटी के 3 माओवादी मन आत्मसमर्पण करे हावय। पुलिस कोति ले मिले आरो के मुताबिक माओवादी म आलम बामों पिता स्व. आलम सुकलू उम्र 24 वर्ष जाति मुरिया निवासी कोरसागुड़ा रिहिसना बासागुड़ा (एक्शन टीम डिप्टी कमाण्डर), मोडि़यम सुंदर पिता मोडि़यम पाण्डू उम्र 27 वर्ष जाति मुरिया साकिन कोरसागुड़ा रिहिसना बासागुड़ा (एक्शन टीम सदस्य) अउ मड़कम मोटू पिता सन्नू उम्र 28 वर्ष जाति मुरिया निवासी कोरसागुड़ा रिहिसना बासागुड़ा (ग्राम रक्षा दल/सप्लाई टीम के सदस्य) ह आज उप महानिरीक्षक केरिपु ऑप्स कोमल सिंह, पुलिस अधीक्षक बीजापुर, कमलोचन कश्यप, कमांडेंट 168 बटालियन विकास पाण्डे, उप पुलिस अधीक्षक ऑप्स आशीष कुंजाम के समक्ष आत्मसमर्पण करिस। ओमन माओवादी मनके विचारधारा, जीवन शैली, भेदभाव पूर्ण व्यवहार अउ प्रताड़ना ले तंग आके अउ छत्तीसगढ़ शासन के पुनर्वास नीति ले प्रभावित होके आत्मसमर्पण करे हावय।
बताती अनुसार ओमन साल 2006 म बासागुड़ा राहत शिविर म हमला करके सलवा जुड़ुम कार्यकर्ता ल बासागुड़ा पुल के पास लाके मारे के घटना म शामिल रिहिसे। 2007 म अस्थाई कैम्प बालेरतोंग जिला दंतेवाड़ा अटैक के घटना म शामिल रिहिस। 2012 म बासागुड़ा-सारकेगुड़ा मार्ग म पुलिस वाहन ल आईईडी विस्फोट करे घटना म शामिल रिहिस। अक्टूबर 2012 ल पुलिस पार्टी म कोरसागुड़ा के जंगलों म अटैक के घटना म शामिल रिहिस। 2012 म साप्ताहिक बाजार बासागुड़ा म हमला करके एके 47 अउ 01 इंसास, मेनपेक सेट लूटे म शामिल रिहिस। 2013 म बासागुड़ा सप्ताहिक बाजार म पत्रकार साई रेडडी की हत्या म शामिल रिहिस। ये माओवादी मनके आत्मसमर्पण करे म ओ मनके उत्साहवर्धन खातिर शासन के आत्मसमर्पण अउ पुनर्वास नीति के तहत 10000-10000 हजार रूपिया नगद प्रोत्साहन राशि प्रदाय करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।