अमर शहीद वीर नारायण सिंह के शहादत दिवस म प्रदेश के मुख्यमंत्री करिन नमन

अंजोर.रायपुर। मुख्यमंत्री श्री भूपेश बघेल ह छत्तीसगढ़ के प्रथम स्वतंत्रता संग्राम सेनानी अमर शहीद वीरनारायण सिंह के 10 दिसम्बर के शहादत दिवस म ओला नमन करिन हावय। ये मउका म श्री बघेल ह किहिन के भारतीय स्वतंत्रता आंदोलन के गौरवशाली इतिहास म छत्तीसगढ़ के वीर सपूत शहीद वीर नारायण सिंह के बलिदान ल हमेशा याद करे जाही।

छत्तीसगढ़ महतारी के सच्चा सपूत वीर नारायण सिंह ह सन् 1857 म देश के प्रथम स्वतंत्रता संग्राम आंदोलन म छत्तीसगढ़ के जनता म देश भक्ति के भावना के संचार करिन। सन् 1856 के भयानक अकाल के दौरान गरीब मनला भूख ले बचाये खातिर ओमन अंग्रेजी हुकूमत के खिलाफ कठिन संघर्ष करिन अउ अपन प्राण न्यौछावर कर दिस। शहीद वीर नारायण सिंह के देश के आजादी अउ मातृभूमि के प्रति समर्पण, बलिदान ल हमेशा याद करे जाही।