सरकार ह वनभूमि के पट्टा दिस अउ धान बेचे के सुविधा तको : किसान देवसाय

अंजोर.कांकेर। समर्थन मूल्य म पहली बार धान बेचइया ग्राम कन्दाड़ी के किसान देवसाय गजब खुश हावय। ओमन किहिन के भूपेश बघेल जी के सरकार ह मोला वनभूमि के पट्टा दिस हावय, जेमा धान के फसल लेथवं अउ ओला बेचने के खातिर कोयलीबेड़ा सहकारी समिति म पंजीयन कराये हावं। वनभूमि के पट्टा नइ मिले ले पहली मोला धान ल कोचिया कना औने-पौने दाम म बेच बर परय, जेकर ले नुकसान होवय। सरकार वनभूमि के पट्टा देले धान बेचे के खातिर समिति म मोरो पंजीयन करे गे हावय अउ अउ धान खरीदी शुरू होए के दूसरे दिन मय अपन 145 बोरा धान ल 25 सौ रूपिया प्रति क्विंटल के दर ले 01 लाख 45 हजार रूपिया म बेचे हवं। ये आखर आए खुशहाल किसान के जेन सरकार के जय जय गावत हाबे। 

धुर नक्सली प्रभावित कोयलीबेड़ा विकासखण्ड के गांव ‘कन्दाड़ी’ के किसान देवसाय पिता बैसाखू ल मेड़की नदी के तिर ऑरेंज-19 म 10 एकड़ जमीन के वन पट्टा (वन अधिकार मान्यता पत्र) मिले हावय, जेमा वो परिवार के साथ खेती-किसानी करत हाबे। किसान देवसाय ह बताइन के वन अधिकार मान्यता पत्र ले मिले 10 एकड़ जमीन म 04 एकड़ म धान फसल, 03 एकड़ म मक्का अउ 03 एकड़ म उड़द अउ कुल्थी के फसल लेवत हाबे। कोयलीबेड़ा सहकारी समिति म 174 वन पट्टाधारी किसान मनके पंजीयन करे गे हावय, जेमन ला समर्थन मूल्य म धान बेचे के मउका मिलही।