अंजोर.महासमुंद। चोरहा कतकोन चतुरा हो जाए फेर पुलिस के चतुराई के आगू एको नइ चलय। महासमुंद जिला के देशी दारू दुकान दलदली रोड महासमुंद म होए शराब के बिक्री राशि के गबन के मामला म सुपरवाइजर अउ सेल्समैन ही आरोपी निकलिस। पुलिस ले मिले आरो के मुताबिक सुपरवाइजर अउ सेल्समेन दूनो भाई मिलके ये घटना ल अंजाम दे हाबे।
पुलिस अधीक्षक प्रफुल्ल कुमार ठाकुर के मार्गदर्शन म बने पुलिस के टीम ह आरोपी कमलेश पाण्डे पिता देवीप्रसाद पाण्डे अउ रवि पाण्डे देवीप्रसाद पाण्डे उम्र 36 साल इंदिरानगर पामगढ़ जिला जांजगीर चांपा ल गिरफ्तार करके 1012850 रूपिया नगद अउ घटना म प्रयुक्त मोटर सायकल ल जब्त करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।