अंजोर.जगदलपुर। खेल अउ युवा कल्याण विभाग के निर्देशानुसार नवा छत्तीसगढ़ के दू बछर पूरा होए म 13 दिसंबर 2020 के बस्तर जिला म वर्चुअल मैराथन दउड़ के आयोजन कलेक्टर रजत बंसल के निर्देशन म होवत हावय। वर्चुअल मैराथन दउड़ म सबो नागरिक ल भाग लेके पात्रता हावय। कोविड-19 के दिशानिर्देश के पालन करत हुए प्रतिभागी ल एक स्थान म समूह म एकत्रित नइ होना हाबे। प्रतिभागी घर, पार्क, मैदान, रोड या आन कोनो सुरक्षित स्थान म सोशल डिस्टेंसिंग के पालन करत दउड़त अपन कुछ सेकंड के वीडियो या फोटो हेशटेग #runwhithchhattishgarh के साथ फेसबुक या ट्विटर म अपलोड कर सकत हाबे। फोटो अउ वीडियो ल अपलोड करे समय 13 दिसंबर के 6 बजे ले 11 बजे तक करार करे गे हावय।
वर्चुअल मैराथन दउड़ खातिर 04 दिसंबर ले 10 दिसंबर तक http;//jansamprk.cg.gov.in, http;//dprcg.gov.in, http;//sportyw.cg.gov.in म जाके प्रतिभागी जनसंपर्क विभाग अउ खेल युवा कल्याण विभाग के वेबसाइट म उपलब्ध लिंक म क्लिक करके अपन पंजीयन ऑनलाइन करा सकत हाबे। प्रथम 300 ले 500 पंजीयन करइया प्रतिभागी ल प्रोत्साहन खातिर टी-शर्ट वितरण खेल अउ युवा कल्याण विभाग कोति ले दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।