अंजोर.रायपुर। देश के सम्प्रभुता अउ सुरक्षा खातिर सरहद म तैनात सीमा सुरक्षा बल (बीएसएफ) के जवान मनके राष्ट्रसेवा अउ समर्पण ल गृहमंत्री श्री ताम्रध्वज साहू ह नमन करे हावय। ओमन राजधानी के माना म आयोजित बीएसएफ स्थापना दिवस कार्यक्रम म तको शामिल होइन।
ये मउका म गृहमंत्री साहू ह बीएसएफ के जवान मनके राष्ट्रसेवा, समर्पण खातिर नमन करत हुए किहिन के बीएसएफ ल भारतीय क्षेत्र के ‘‘रक्षा के पहली दीवार‘‘ केहे जाथे। बीएसएफ ह देश ल बचाये अउ प्राकृतिक आपदा के बखत नागरिक मनके मदद करे के अपन प्रतिबद्धता म अटूट विश्वास करत हुए खुद ल एक बहादुर बल के रूप म प्रतिष्ठित करे हावय। बीएसएफ म भारत ल गर्व हावय। छत्तीसगढ़ राज्य म तको नक्सल विरोधी अभियान म बी.एस.एफ. के अहम भूमिका हावय। कार्यक्रम म अपर मुख्य सचिव गृह सुब्रत साहू, सीमा सुरक्षा बल के एडीजी एस. एल. थाओसन, विशेष पुलिस महानिदेशक आर के विज अउ अशोक जुनेजा सहित बीएसएफ के अधिकारी उपस्थित रिहिन।
जानबा हावय के भारत-पाकिस्तान अउ भारत-चीन युद्ध के बाद, बीएसएफ के गठन एक दिसंबर, 1965 के एक एकीकृत केंद्रीय एजेंसी के रूप म करे रिहिसे, ताकि भारत के सीमा अउ ओकर ले जुड़े मामला के सुरक्षा सुनिश्चित करे जा सके। ये हा दुनिया के सबसे बड़का सीमा सुरक्षा बल आए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।