अंजोर.रायपुर। छत्तीसगढ़ के पंचम विधानसभा के नवम सत्र (शीतकालीन सत्र) के आयोजन 21 ले 30 दिसम्बर 2020 तक करे जाही। सत्र के तइयारी के संबंध म मुख्य सचिव अमिताभ जैन ह वीडियो कॉन्फ्रेसिंग के माध्यम ले शासन के सबो विभाग के अपर मुख्य सचिव, प्रमुख सचिव, विशेष सचिव (स्वतंत्र प्रभार) ले चर्चा करिन। श्री जैन ह सत्र के बखत विभाग म विधानसभा प्रकोष्ठ के गठन करे अउ नोडल अधिकारी नियुक्त करे के निर्देश दे हावय। ओमन किहिन हावय के शासकीय विधि विषयक कार्य (विधेयक) निर्धारित सात दिवस पूर्व विधानसभा सचिवालय ह उपलब्ध करा दे जाए अउ विधेयक के संबंध म चर्चा खातिर सबो जरूरी तइयारी कराये जाए। ओमन लंबित आश्वासन के उत्तर सत्र आरंभ होए के पूर्व विधानसभा ल उपलब्ध कराये के निर्देश दे हावय। विधानसभा के पटल म रखे जाने वाला पत्र-प्रतिवेदन-साहित्य आदि समय-सीमा म विधानसभा ल उपलब्ध कराये बर किहिन हावय। स्थगन प्रस्ताव, ध्यानाकर्षण सूचना, याचिका, शून्य काल के सूचना, आश्वासन, संकल्प, अपूर्ण प्रश्न के उत्तर, विधानसभा के आने आने समिति के प्रतिवेदन म त्वरित कार्यवाही के निर्देश मुख्य सचिव ह दे हावय।
ओमन किहिन हावय सत्र के बखत अपरिहार्य कारण ल छोडके अधिनस्थ अधिकारी-कर्मचारी के अवकाश स्वीकृत नइ करे जाए। सत्रावधि म जब तक आवश्यक न हो तब तक प्रदेश के बाहर भ्रमण प्रस्ताव नइ बनाए जाए। सत्र के बखत विधानसभा के अधिकारी दीर्घा म विभागीय अधिकारी मनके अनिवार्य उपस्थिति के निर्देश श्री जैन ह दे हावय। ओमन किहिन हावय जन घोषणा पत्र 2018 म विभाग कोति ले करे कार्यवाही के अद्यतन जानकारी तैयार करे जाए अउ आवश्यक होवे म विधानसभा म जानकारी उपलब्ध करावय। लोक महत्व के विषय म अविलंब चर्चा के तैयारी के निर्देश तको श्री जैन ह दे हावय। बइठक के बखत संसदीय कार्य सचिव सोनमणी बोरा अउ सामान्य प्रशासन विभाग के सचिव डी.डी. सिंह तको उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।