सूरजपुर के हाईटेक बस स्टैंड के लोकार्पण करिन श्री बघेल

अंजोर
0


अंजोर.सूरजपुर। जिला मुख्यालय सूरजपुर म 3 करोड़ 18 लाख रूपिया के लागत ले नवा बने हाई-टेक बस स्टैंड के लोकार्पण आज करे गिस। ये मउका म मुख्यमंत्री भूपेश बघेल के अलावा उच्च शिक्षा मंत्री अउ जिला के प्रभारी मंत्री उमेश पटेल, पंचायत अउ स्वास्थ्य मंत्री टी.एस. सिंहदेव, नगरीय प्रशासन मंत्री डॉ. शिव कुमार डहरिया, स्कूल शिक्षा अउ आदिम जाति मंत्री डॉ. प्रेमसाय सिंह टेकाम, संसदीय सचिव पारसनाथ राजवाडे़ अउ नगरपालिका अध्यक्ष श्री के.के. अग्रवाल शामिल होइन।

मिले आरो के मुताबिक ये हाईटेक बस स्टैण्ड म 20 बस के एक साथ खड़ा होए के क्षमता वाला बस यार्ड, 08 टिकट घर, पुलिस सहायता केन्द्र, पूछताछ केन्द्र के साथ-साथ महिला अउ पुरूष प्रसाधन के निर्माण करे गे हाबे। अऊ भूतल म 43 अउ प्रथम तल म 06 दुकान कुल 49 दुकान के निर्माण होए हावय। बस स्टैण्ड के सामने पार्क के साथ-साथ पार्किंग व्यवस्था, नाली, टैक्सी पार्किंग, रिटेनिंग वॉल के निर्माण प्रस्तावित हाबे अउ हाईटेक बस स्टैण्ड परिसर म सुलभ शौचालय के कार्य प्रगति म हाबे।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !