ऊर्जा संरक्षण सेल्फी ई-प्रतियोगिता 14 ले 20 दिसम्बर तक

अंजोर.रायपुर। राज्य सरकार के ऊर्जा विभाग ले जुरे छत्तीसगढ़ राज्य अक्षय ऊर्जा विकास अभिकरण (क्रेडा) कोति ले ऊर्जा संरक्षण के प्रति अपन महत्वपूर्ण योगदान ल प्रदर्शित करे खातिर 14 ले 20 दिसम्बर तक सेल्फी ई-प्रतियोगिता के आयोजन करे जात हावय। प्रथम श्रेष्ठ पोस्ट करइया 200 प्रतिभागी ल 500 रूपिया के पुरस्कार दे जाही। 

प्रतियोगिता म भाग ले के खातिर छत्तीसगढ़ के निवासी फेसबुक यूजर्स अपन रजिस्ट्रेशन 20 दिसम्बर तक करा सकत हाबे। रजिस्टर्ड प्रतिभागी ही ये प्रतियोगिता म भाग ले सकत हाबे। प्रतियोगिता म भाग ले खातिर कोनो शुल्क नइ हावय। प्रतियोगिता के नियम अउ शर्तों के अनुसार पोस्ट करे एन्ट्री ही मान्य होही। रजिस्ट्रेशन के खातिर क्रेडा के फेसबुक पेज Chhattisgarh State Renewable Energy Development Agency (CREDA) म दे Energy Conservation Selfie Contest-2020 लिंक म क्लिक करके अपन विवरण अंकित करना होही। क्रेडा के फेसबुक पेज के लिंक https://www.facebook.com/credaonfb/  हावय।