राज्य सरकार के दू बछर पूरा होए म राज्य महिला आयोग बनाही 7 हजार वर्गफुट के बड़का रंगोली

अंजोर
0

अंजोर.रायपुर। छत्तीसगढ़ राज्य महिला आयोग कोति ले राज्य सरकार के दू बछर पूरा होए म राजधानी रायपुर के शंकर नगर के बी.टी.आई. ग्राउण्ड म 7 हजार वर्गफुट के विशाल रंगोली बनाये जाही। ये रंगोली 100 फीट लम्बा अउ 70 फीट चौड़ा होही। आयोग के अध्यक्ष श्रीमती किरणमयी नायक के बताये मुताबिक विशाल रंगोली के माध्यम ले मुख्यमंत्री भूपेश बघेल के नेतृत्व म होए छत्तीसगढ़ के विकास ल रंगोली म प्रदर्शित करे जाही। छत्तीसगढ़ म अब तक अतका बड़का रंगोली नइ बने हावय। ये रंगोली छत्तीसगढ़ के गौरव के प्रतीक के रूप म तैयार करे जात हावय। आयोजन म मुख्यमंत्री श्री भूपेश बघेल अउ महिला अउ बाल विकास मंत्री श्रीमती अनिला भेंड़िया तको शामिल होही। ये रंगोली ल आमजन 17 दिसम्बर ले दोपहर 2 बजे ले देख सकही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !