वनमंत्री मोहम्मद अकबर ह चिल्फी घाटी सरोदा दादर पर्यटन स्थल के करिन अवलोकन

अंजोर.कबीरधाम। कबीरधाम जिला के मैकल पर्वत चिल्फी घाटी के ऊपर ग्राम सरोदा दादर म बनाए पर्यटन स्थल के अवलोकन करत वन मंत्री श्री मोहम्मद अकबर प्राकृतिक सौंदर्य ले भरपूर पर्यटन स्थल के तारीफ करत ओमन किहिन के राज्य सरकार छत्तीसगढ़ म पर्यटन स्थल के विकास अउ सौंदर्यीकरण के खातिर लगातार कार्य करत हावय।

जानबा हावय के सरोदा दादर पर्यटन केन्द्र छत्तीसगढ़ अउ मध्यप्रदेश के सीमा म चिल्फी घाटी के ऊपर हावय। इहा बैगा जनजाति निवासरत हावय। छत्तीसगढ़ पर्यटन मंडल कोति ले इहा पर्यटक मनके ठहरे खातिर अलग-अलग रिसॉट अउ कॉटेज बनाए हाबे। ये परियोजना के तहत सरोधा दादर म छत्तीसगढ़ टूरिज्म बोर्ड लगभग 11 एकड़ के भूमि म एक बैगा एथनिक रिसॉर्ट के तको बनाये हावय। जेकर लागत 13 करोड़ रूपिया हावय। रिसॉर्ट म इको लॉग हट्स अउ खानपान खातिर ग्रामीण परिवेश म कैफेटेरिया बनाये गे हावय।

स्थानीय ग्रामीण शैली म 10 आर्टिजन हट्स, एक हस्तशिल्प विक्रय सेंटर, स्थानीय जनजातिय मनके दैनिक जीवन म उपयोग म आने वाला वस्तु, औजार आदि के प्रदर्शन के खातिर एक इंटरप्रिटेशन सेंटर तको बने हावय। सांस्कृतिक कायक्रम खातिर मुक्ताकाश मंच के निर्माण करे गे हावय। येकर अलावा एडवेंचर टूरिज्म के खातिर अवइया पर्यटक ल ध्यान म रखत हुए टेंट प्लेटफॉर्म तको बनाए गे हाबे। पर्यटक इहां अपन टेंट लगाके रूक सकत हाबे। पर्यटक अउ बच्च मनके खातिर एडवेंचर उपकरण तको लगाए गे हाबे।