Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

छत्तीसगढ़ के विकास म साहू समाज के महत्वपूर्ण योगदान : डॉ शिवकुमार डहरिया


अंजोर.रायपुर। आरंग म साहू समाज कोति ले आयोजित कार्यक्रम म मुख्य अतिथि डॉ शिवकुमार डहरिया मंत्री, नगरीय प्रशासन, विकास अउ श्रम विभाग ह नवनिर्मित मंगल भवन के उद्घाटन करिन। ये मउका म ओमन किहिन के छत्तीसगढ़ के विकास म साहू समाज के महत्वपूर्ण योगदान हावय। साहू समाज मेहनत करने वाला अउ विकास के राह म आगू बढ़ने वाला समाज हावय। छत्तीसगढ़ सरकार तको संत माता कर्मा, दानवीर भामाशाह के बताए हुए मार्ग म चलत हावय। सबो समाज ल साथ लेके सामाजिक समरसता के माहौल कायम करत हावय। ओमन साहू समाज के आरंग म भवन निर्माण खातिर मांग ल पूरा करत हुए 20 लाख के राशि देके घोषणा तको करिन हाबे।

आगू ओकन किहिन के 36 म 24 वादा ल सरकार ह पूरा कर डरे हाबे। आवइया दिन म बांचे वादा ल पूरा करे जाही। मंत्री डॉ डहरिया ह किहिन के मुख्यमंत्री श्री भूपेश बघेल के नेतृत्व म रामवनगमन पथ ल विकसित करत हावय। स्थानीय बेरोजगार ल रोजगार देके पहल होवत हावय। शिक्षाकर्मी मनके संविलयन करे साथ नवा भरती होवत हावय। पुलिस अउ कालेज म प्राध्यापक भर्ती चलत हावय। अउ आरंग क्षेत्र म सबले जादा साहू समाज के खातिर ही विकास कार्य के स्वीकृति दे गे हावय। कार्यक्रम म नगर पालिका परिषद के अध्यक्ष चंद्रशेखर चंद्राकर,साहू समाज के अध्यक्ष अर्जुन हिरवानी, शांतनु साहू, द्वारिका साहू, देवनाथ साहू, जयंत साहू सहित समाज के आन अऊ पदाधिकारी उपस्थित रिहिन।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285