अंजोर.जशपुर। मुख्यमंत्री श्री भूपेश बघेल ह आज जिला मुख्यालय जशपुर के रणजीता स्टेडियम म आयोजित कार्यक्रम म जिला ल 792 करोड़ 86 लाख रूपिया के लागत के 196 विकास कार्य के सौगात दीस। मुख्यमंत्री ह येमा ले 655 करोड़ 77 लाख रूपिया के लागत के 94 कार्य के भूमिपूजन अउ 137 करोड़ रूपिया के लागत के 102 कार्य के लोकार्पण करिन। ये मउका म खाद्य मंत्री अमरजीत भगत, उच्च शिक्षा मंत्री उमेश पटेल, मध्य क्षेत्र आदिवासी विकास प्राधिकरण के अध्यक्ष लालजीत सिंह राठिया, अनुसूचित जाति विकास प्राधिकरण के उपाध्यक्ष श्रीमती उत्तरी गनपत जांगड़े, छत्तीसगढ़ खनिज विकास निगम के अध्यक्ष गिरीश देवांगन, विधायक जशपुर विनय भगत, रायगढ विधायक प्रकाश नायक, लैलूंगा विधायक चक्रधर सिदार सहित आन जनप्रतिनिधि अउ नागरिक उपस्थित रिहिन।
मुख्यमंत्री ह जशपुर जिला म 568 करोड़ 80 लाख रूपिया के लागत ले बनइया 64 सड़क खातिर भूमि पूजन करिन। जेमा लोक निर्माण विभाग के 32 सड़क, प्रधानमंत्री ग्राम सड़क योजना के अंतर्गत 205 करोड़ 65 लाख रूपिया के लागत बनइया 28 सड़क अउ मुख्यमंत्री ग्राम सड़क योजना के अंतर्गत 3 करोड़ 52 लाख रूपिया के लागत बनइया 4 सड़क शामिल हाबे। मुख्यमंत्री ह कार्यक्रम म 38 करोड़ 28 लाख रूपिया के लागत ले पूरा होए सड़क के 40 कार्य के लोकार्पण तको करिन।
श्री बघेल ह जेन कार्य के भूमिपूजन करे हे ओमा जशपुर जिला के कुनकुरी क्षेत्र के 217 करोड़ 41 लाख रूपिया के लागत के 23 विकास कार्य, पत्थलगांव क्षेत्र के 164 करोड़ 41 लाख रूपिया के लागत के 23 कार्य अउ जशपुर क्षेत्र के 273 करोड़ 95 लाख रूपिया के लागत के 48 कार्य शामिल हाबे। 83.45 करोड़ रूपिया के लागत ले 29.40 किलोमीटर लम्बे कुनकुरी-तपकरा मार्ग के उन्नयन कार्य, 75 करोड़ रूपिया के लागत ले 26.60 किलोमीटर लम्बे बगीचा-कामारिमा-सन्ना मार्ग के उन्नयन अउ नवीनीकरण कार्य, 28.06 करोड़ रूपिया के लागत ले 10 किलोमीटर लम्बा चराईडाड़-बगीचा मार्ग के उन्नयन कार्य, 15.16 करोड रूपिया के लागत ले 7 किलोमीटर लम्बे बटईकेला-समदुरा मार्ग निर्माण कार्य, 14.44 करोड़ रूपिया के लागत ले 9.20 किलोमीटर लम्बे लुड़ेग-तपकरा-लवाकेरा मार्ग के उन्नयन अउ नवीनीकरण कार्य, 14.97 करोड़ रूपिया के लागत ले 21 किलोमीटर लम्बे महादेवडांड ले बिमड़ा मार्ग निर्माण, 8.92 करोड़ रूपिया के लागत ले ईब एनीकट योजना, जशपुर क्षेत्र म 18.27 करोड़ रूपिया के लागत ले 10 किलोमीटर लम्बे जशपुर-आस्ता-कुसमी मार्ग के उन्नयन अउ नवीनीकरण के कार्य शामिल हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।