हद होगे भई ! अबतो अपराधी मन तको ऑनलाईन हथियार मंगवात हाबे

अंजोर.रायपुर। ऑनलाइन साईट ले लोगन मन केऊ किसम के समान घर बइठे मंगावत, अउ बउरत तको हाबे। ये बात आन आए के ठगी होए के बाद लोगन मन पुलिस कना पहुंचथे। गुने के बात आए के अब ये ऑनलाइन खरीदी म आम जनता के संग अब अपराधी मन तको चाकू के खरीदी-बिक्री सुरू कर दे हावय। पुलिस कोति ले मिले आरो के मुताबिक अवैध रूप ले बटनदार, धारदार अउ घातक चाकू के खरीदी-बिक्री करइया मन संग ऑनलाईन शॉपिंग साईट अइसे एमेजॉन, फ्लिपकार्ट सहित अऊ आन साईट ले बटनदार, धारदार घातक चाकू मंगइया मन उपर नजर रखत हाबे। जेमा अवैध रूप ले धारदार, घातक चाकू रखइया अउ खरीदी-बिक्री अयूब खान पिता मजी उल्लाह खान उम्र 26 साल निवासी सतनामी पारा संजय नगर टिकरापारा रायपुर अए मनीष कुर्रे पिता शारदा प्रसाद कुर्रे उम्र 19 साल निवासी सतनामी पारा संजय नगर टिकरापारा रायपुर के गिरफ्तारी करके रायपुर पुलिस ह विधिसम्मत कार्यवाही करत हाबे।