Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

हद होगे भई ! अबतो अपराधी मन तको ऑनलाईन हथियार मंगवात हाबे


अंजोर.रायपुर। ऑनलाइन साईट ले लोगन मन केऊ किसम के समान घर बइठे मंगावत, अउ बउरत तको हाबे। ये बात आन आए के ठगी होए के बाद लोगन मन पुलिस कना पहुंचथे। गुने के बात आए के अब ये ऑनलाइन खरीदी म आम जनता के संग अब अपराधी मन तको चाकू के खरीदी-बिक्री सुरू कर दे हावय। पुलिस कोति ले मिले आरो के मुताबिक अवैध रूप ले बटनदार, धारदार अउ घातक चाकू के खरीदी-बिक्री करइया मन संग ऑनलाईन शॉपिंग साईट अइसे एमेजॉन, फ्लिपकार्ट सहित अऊ आन साईट ले बटनदार, धारदार घातक चाकू मंगइया मन उपर नजर रखत हाबे। जेमा अवैध रूप ले धारदार, घातक चाकू रखइया अउ खरीदी-बिक्री अयूब खान पिता मजी उल्लाह खान उम्र 26 साल निवासी सतनामी पारा संजय नगर टिकरापारा रायपुर अए मनीष कुर्रे पिता शारदा प्रसाद कुर्रे उम्र 19 साल निवासी सतनामी पारा संजय नगर टिकरापारा रायपुर के गिरफ्तारी करके रायपुर पुलिस ह विधिसम्मत कार्यवाही करत हाबे। 

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285