छत्तीसगढ़ म डायल 112 ले सुलझही अब किसान मनके समस्या : मुख्यमंत्री श्री भूपेश बघेल

अंजोर.रायपुर। छत्तीसगढ़ म डायल 112 ले अब किसान मनके धान बेचे सहित आन कोनो प्रकार के समस्या के त्वरित निदान हो सकेही। मुख्यमंत्री भूपेश बघेल ह प्रदेश के किसान के हित म एक बड़का निर्णय लेतेवत किसान के समस्या के त्वरित निदान खातिर डायल 112 के सेवा किसान ले ल जोड़े के निर्देश दिस। ये धान खरीदी सीजन तक किसान मनला सेवा मुहैया होही। डायल 112 के सेवा अभी आपात स्थिति म लोगन ल मुहैया होवत हावय। मुख्यमंत्री ह डायल 112 म किसान मनके समस्या के लघिया निदान करे के निर्देश कलेक्टर अउ पुलिस अधीक्षक मनला देगे हावय।

प्रदेश के किसान के पंजीयन रकबा के एंट्री, रकबा के कमी, गिरदावरी म त्रुटि, धान बेचे म समस्या अउ किसान के कोनो भी प्रकार के आर्थिक सहायता के आवश्यकता होए म वो डायल 112 म कॉल करके जानकारी दे सकत हाबे। डायल 112 के माध्यम ले उंकर समस्या निदान करे जाएही। डायल 112 म किसान ले संबंधित मिले शिकायत अउ उंकर म करे बुता के समीक्षा हर सप्ताह मुख्य सचिव कोति ले करे जाही।