नीति आयोग ह फेर सहराइस छत्तीसगढ़ म महिला स्व-सहायता समूह के बुता ल

अंजोर.रायपुर। भारत सरकार के नीति आयोग ह ये पइत फेर छत्तीसगढ़ म महिला स्व-सहायता समूह के आत्मनिर्भरता कोति बढ़त कदम के सराहना करे हावय। नीति आयोग ह अपन अधिकारिक ट्वीटर एकाउंट म ट्वीट करके छत्तीसगढ़ के आकांक्षी जिला कांकेर म सीताफल पल्स प्रोसेसिंग मशीन के माध्यम ले महिला मनके आर्थिक समृद्धि के उल्लेख करिन हावय। आयोग ह ’बढ़ते कदम आत्मनिर्भरता की ओर’ के टैग लाईन ले लिखे हावय के आकांक्षी जिला कांकेर के कई गांव म सीताफल पल्प प्रोसेसिंग मशीन लगाये गे हावय। जेकर संचालन महिला स्व-सहायता समूह मन करत हावय अउ सीताफल के पल्प ल संरक्षित करके बाजार म बने कीमत म बेचे जात हावय।