अंजोर.कांकेर। छत्तीसगढ़ विधानसभा के उपाध्यक्ष अउ भानुप्रतापपुर विधानसभा क्षेत्र के विधायक मनोज सिंह मण्डावी के अनुशंसा म कलेक्टर ह विधानसभा निर्वाचन क्षेत्र विकास योजनांतर्गत विकासखण्ड चारामा के 05 ग्राम पंचायतो म सामुदायिक भवन, रंगमंच निर्माण अउ सीढ़ी निर्माण के खातिर 18 लाख रूपिया स्वीकृत करे हावय। ग्राम पंचायत कण्डेल आदिवासीपारा अउ बासनवाही पोयापारा म सामुदायिक भवन निर्माण के खातिर 05-05 लाख रूपिया, ग्राम पंचायत भोथा कलारपारा अउ चांवड़ी म रंगमंच निर्माण कार्य के खातिर 03-03 लाख रूपिया अउ ग्राम पंचायत मुड़खूसरा म दुर्गा मंदिर के पास सीढ़ी निर्माण सह कांक्रीटकरण के खातिर 02 लाख रूपिया स्वीकृत होगे। ये निर्माण कार्य के खातिर जनपद पंचायत चारामा के मुख्य कार्यपालन अधिकारी ल क्रियान्वयन एजेंसी बनाये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।