Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कोलर के बिस्किट कंपनी प्रबंधक के खिलाफ 2 दिसंबर के क्रान्ति सेना के जबर गोहार आंदोलन


अंजोर.रायपुर। रायपुर धमतरी रोड म अभनपुर ब्लॉक ग्राम कोलर के पारले-जी बिस्किट कंपनी प्रबंधक के खिलाफ 2 दिसंबर के छत्तीसगढि़या क्रान्ति सेना कोति ले जबर गोहार आंदोलन करे जाही। मिले आरो के मुताबिक कंपनी मालिक शिव स्नेक्स अउ आकृति स्नेक्स के विरोध म क्रान्ति सेना के संग स्थानीय मजदूर मन प्रर्दशन करही।

जानबा होवय के पाछु दिन तको सेनानी अउ गांव वाले मन कंपनी के प्रबंधक के खिलाफ विरोध दर्ज कराये रिहिन हाबे। अभनपुर ब्लाक के ग्राम कोलर म चलत बिस्किट कंपनी म स्थानीय मजदूर मनके शोषण अउ दुर्व्यवहार म प्रशासन के हस्तक्षेप नइ करे के सेती अब मामला अउ बड़का होवत हाबे। एजेंसी कोति ले बताये गे हाबे के स्थानीय मजदूर मनला बिगर कोनो कारण के काम ले निकाल देथे अउ उंकर जगह म आन राज के मनखे मनला रखे जाथे। 

स्थानीय मजदूर मनके रोजगार छिनना अउ आन राज के मनेख मनला भरे के विवाद म कई पइत प्रबंधक ले सेनानी मन गोठबात करे के कोशिश करिन फेर ओमन नजर अंदाज करके बाहरी मजदूर ल लानतेच हावय। प्रदेश मीडिया प्रभारी देवहीरा लहरी के बताती 22 नवंबर के ग्राम कोलर के शीतला तरिया म बइठक करके बड़का आंदोलन के रणनीति बनाई गिस। उही मुताबिक बुधवार 2 दिसंबर के कंपनी प्रबंधक के खिलाफ जबर आंदोलन करे जाही। प्रदेश उपाध्यक्ष डॉ अजय यादव अउ रायपुर जिला शहर संयोजक धनुक साहु मनहा ग्राम कोलर म मोटरसाइकिल रैली निकाल के तिर-तखार के गांव के लोगन, जनप्रतिनिधी मनला आंदोलन म शामिल होए के अपील करे हावय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285