अंजोर.दुर्ग। भारतीय प्रौद्योगिकी संस्थान भिलाई भारत के उच्च शिक्षा संस्थान अउ राष्ट्रीय महत्व के संस्थान के सबले प्रतिष्ठित श्रृंखला के हिस्सा हावय, जोन 2022 तक अपन स्थायी परिसर म जाए खातिर तइयार हावय। एलएंडटी ह अकादमिक ब्लॉक के आधार के साथ निर्माण खातिर निरंतर प्रगति करे हावय। अकादमिक क्षेत्र खातिर भूमिपूजन अउ भवन के अधिरचना के प्रारंभ माननीय मुख्यमंत्री भूपेश बघेल कोति ले 2 दिसंबर के करे जाही।
ये संस्थान दुर्ग जिला के कुटेलाभाठा भिलाई म स्थापित करे जात हावय। जिहा ताम्रध्वज साहू, लोक निर्माण विभाग मंत्री, रवींद्र चौबे कृषि अउ जैव प्रौद्योगिकी विभाग, उमेश पटेल तकनीकी शिक्षा मंत्री, गुरु रुद्र कुमार लोक स्वस्थ्य यांत्रिकी विभाग, विजय बघेल संसद सदस्य अउ सुश्री सरोजपांडे संसद सदस्य तको ये मउका पहुना बनके आही।
मुख्यमंत्री श्री भूपेश बघेल ह आई आईटी भिलाई स्थायी परिसर के 3 डी वास्तु शिल्प मॉडल के अनावरण स्थायी परिसर म करही। प्रोफेसर रजत मून निदेशक भारतीय प्रौद्योगिक संस्थान भिलाई ह बताये हाबे के अधिरचना के निर्माण खातिर सबो प्रारंभिक कार्य पूरा होगे हाबे। निर्माण कार्य के पहिली चरण म 18 व्याख्यान हॉल अउ कक्षा अभियांत्रिकी अउ विज्ञान विभाग खातिर दो भवन पुस्तकालय अउ आईटीआई भवन के साथ साथ एक अबसरवेटरी टॉवर तीन छात्रावास अउ कई अन्य संरचना के बीच तीन आवासीय टॉवर शामिल हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।