दीपका थाना प्रभारी के खिलाफ कार्यवाही के मांग करिस छत्तीसगढ़िया क्रांति सेना

अंजोर.कोरबा। छत्तीसगढ़िया क्रांति सेना के सेनानी मन लिखित म शिकायती पाती पठो के जिला कलेक्टर अउ एसपी ल अरजी दे हावय के तीन दिन पहिली दीपका थाना प्रभारी हरीश तांडेकर कोति ले छत्तीसगढ़िया क्रांति सेना के सेनानी मन ल अभद्रता पूर्वक गाली गलौज करे गे रहिस अउ संगठन के विरुद्ध अपसब्द के प्रयोग करे गे रहिसे। मिले आरो के मुताबिक उही ओड़र म आज सेनानी मन कार्यालय पहुंच के एफआईआर के अऊ तत्काल प्रभार ले हटाए जाए के निवेदन करे हवय। किथे के अइसे निर्दोष मन ऊपर फर्जी एफआईआर करइया एसीबी कम्पनी के दलाल थाना प्रभारी ल दीपका म रहे के कोनो अधिकार नइहे। अगर हमर मांग पूरा नइ होही त अवइया दिन म दीपका थाना के अऊ पुलिस अधिक्षक कार्यालय के जोरदार घेराव छत्तीसगढ़िया क्रांति सेना डहर ले करे जाही जेखर पूरा जिम्मेदारी शासन प्रशासन के रइही।