मेडिकल कॉलेज म दाखिला कराये के लालच देके ठगी करइया अन्तर्राजयीय गिरोह पकड़ाइस

अंजोर.बिलासपुर। ठगी के कतकोन घटना म लघियात कार्यवाही करे खातिर अगुवा बिलासपुर पुलिस ल एक अऊ बड़का सफलता मिले हावय। मिले आरो के मुतबिक मेडिकल कॉलेज दाखिला कराये के नाम म करोड़ों रूपिया के ठगी करइया अन्तर्राजयीय गिरोह ल पकड़े म थाना कोनी पुलिस ल सफलता मिले हावय। बिलासपुर पुलिस के स्पेशल टीम ह दिल्ली, मुंबई, उत्तर प्रदेश आदि जघा ल चिन्हित करके रैकी करत तीन आरोपी मनके गिरफ्तारी करे हावय। उंकर तिर ले 5 नग मोबाइल अउ 5,00,000 रूपिया तको जप्त करे गे हावय।