अंजोर.कोण्डागांव। बीते दिन अन्तर्राष्ट्रीय दिव्यांगजन दिवस के मउका म जिला प्रशासन अउ समाज कल्याण विभाग के डहर ले आयोजित अन्तर्राष्ट्रीय दिव्यांगजन दिवस के आयोजन म अध्यक्ष जनपद पंचायत कोण्डागांव शिवलाल मण्डावी, उपाध्यक्ष जनपद पंचायत मनोज सेठिया अउ कलेक्टर पुष्पेन्द्र कुमार मीणा उपस्थिति रिहिन। जेमा 200 ले आगर दिव्यांगजन के प्रमाणिकरण करे गिस अउ यूडीआईडी कार्ड तको प्रदान करे गिस।
ये मउका म दिव्यांगजन मनला उंकर दिव्यांगता के आधार म दिव्यांगता प्रमाण पत्र अउ कृत्रिम अंग सह सहायक उपकरण बांटे के आरो मिले हाबे। जेमा नवल ठाकुर, घस्सूराम, मीठू राम ल ट्रायसायकल अउ चमरू राम, मायाबती, सुरेन्द्र नेताम, दलसाय ल बैटरी चलित ट्रायसायकल अउ नितेश, पुरुषोतम्म ल व्हील चेयर, रती राम यादव ल ब्लाइंड स्टीक अउ निःशक्त दंपत्ति धातुका पाण्डे-चैन सिंह पाण्डे ल निःशक्त विवाह प्रोत्साहन राशि के रूप म 50 हजार रूपिया के चेक उपस्थित अतिथि मन दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।