किसान के जुन्ना जूट बारदाना के उपयोग होही अब धान खरीदी म, राज्य शासन जारी करिस आदेश

अंजोर
0

अंजोर.रायपुर। मुख्यमंत्री श्री भूपेश बघेल ह खरीफ विपणन वर्ष 2020-21 म समर्थन मूल्य म धान खरीदी के खातिर बारदाना के कमी ल देखत हुए किसान के पुराना बारदाना के उपयोग खरीदी के खातिर करे के निर्णय ले हावय। ये संबंध म आज मंत्रालय महानदी भवन ले खाद्य नागरिक आपूर्ति अउ उपभोक्ता संरक्षण विभाग कोति ले किसान मनके पुराना जूट बारदाना म धान खरीदी करे के संबंध म आदेश जारी होगे हावय।

आदेश के मुताबिक बेमेतरा, बीजापुर, बालोद समेत राज्य के केऊ जिला ले धान खरीदी के खातिर पुराना बारदाना के कमी होए के सेती किसान के पास उपलब्ध बारदाना के उपयोग करे के अनुरोध करे गे हावय। येला ध्यान म रखत हुए किसान मन कोति ले उपलब्ध कराए गे केवल पुराना जूट बारदाना म ही धान खरीदी करे के अनुमति दे गे हावय। किसान के बोरा के धान खरीदी म उपयोग होए म ओला मिलिंग के बाद किसान ल वापस करे जाही।

बोरा उपयोग के खातिर किसान ल भारत सरकार कोति ले निर्धारित उपयोगिता शुल्क दे के निर्देश दिए गे हाबे। जिला म किसान के बारदाना के उपयोग करे के अनुमति प्रबंध संचालक, छत्तीसगढ़ राज्य सहकारी विपणन संघ मर्यादित कोति ले कलेक्टर ले मिले प्रस्ताव के आधार म विशिष्ट समिति खातिर आवश्यकता अउ परिस्थिति ल ध्यान म रखत दे जा सकही। धान खरीदी के खातिर किसान कोति ले उपलब्ध कराय गे पुराना बारदाना अच्छा अवस्था म अउ उपयोगी किस्म के होना चाहिए, जेमा 40 किलोग्राम धान के भरती हो सकय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !