जामुल पुलिस के हाथ लगिस ढौर के गांजा तस्कर, 38 किलो गांजा अउ कार जप्त

अंजोर.दुर्ग। अवैध गांजा तस्करी के मामला म थाना जामुल पुलिस के डहर ले बड़का कार्यवाही करत ढौर के एक तस्कर तिर ले 38 किलो गांजा अउ एक कार जप्त करे गे हावय। मिले आरो के मुताबिक मुखबीर पुलिस ल सूचना मिलिस के ग्राम ढौर के ओम प्रकाश साहू गांजा तस्करी करत हाबे अउ गांजा लेके वाहन स्वीप्ट डिजायर कार म अवइया हावय। आरोपी ओमप्रकाश तिर ले तीन बोरा म अलग-अलग 10 किलो, 20 किलो अउ 18 किलो कुल 38 किलो कीमती लगभग 3,80,000 रूपिया के मिले हावय। आरोपी के खिलाफ अपराध धारा 20 ख नारकोटिक एक्ट के अपराध पाये जाए के बाद ओला विधिवत गिरप्तार करे गिस।