अंजोर.रायपुर। रायपुर सीएम निवास म विधायक विक्रम मण्डावी के नेतृत्व म बीजापुर जिला के जनप्रतिनिधी मन मुख्यमंत्री ले सउहे मुलाकात करिन। मुख्यमंत्री ह राज्य शासन डहर ले वितरित पट्टा के भूमि म करत खेती बुता के आरो लिस। संग म ओमन फलदार पेड़ आम, काजू, कटहल के अलावा हल्दी, तीखुर जइसन वनोपज तको लगाये के सुझाव दिस। ये मउका म जिला पंचायत बीजापुर के सदस्य श्रीमती सन्त कुमारी मण्डावी ह ग्राम पंचायत जांगला म सहकारी बैंक सुरू करे के आग्रह करत बताइन के जांगला धान खरीदी केन्द्र ले लगभग 14 ग्राम पंचायत जुरे हावय। आगू ओमन लोगन मनके बने स्वास्थ्य सुविधा खातिर जांगला स्थित उप स्वास्थ्य केंद्र म नियमित चिकित्सक अउ एम्बुलेंस के सुविधा के मांग तको करिन।
ग्राम पंचायत जांगला के सरपंच बुधराम पोयाम ह मुख्यमंत्री श्री बघेल ले वन अधिकार मान्यता पत्र वितरण कार्यक्रम खातिर आभार व्यक्त करत बताइन के जांगला, कोंडोजी, टिंडोडी, माटवाड़ा ग्राम पंचायत के कुछ गांव भैरमगढ़ अभ्यारण्य क्षेत्र म आए के सेती उहां के ग्रामीण ल वन अधिकार मान्यता पत्र नइ मिल पाये हावय। जेला सामान्य क्षेत्र घोषित करके वन अधिकार पत्र प्रदान करे जाए। ये मउका म जनपद सदस्य सुधोराम मण्डावी ह जांगला विकासखंड भैरमगढ़ म रिता परे मिनी पोटाकेबिन भवन ल बालक-बालिका छात्रावास बर उपयोग म लाने के निवेदन करिन जेमा उहां अध्ययनरत छात्र-छात्रा मनला बने शिक्षा के खातिर बेहतर वातावरण उपलब्ध हो सकय। मुख्यमंत्री श्री बघेल ह जनप्रतिनिधी मनला उंकर मांग म विचार करे के आश्वासन दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।