अंजोर.रायगढ़। कोविड-19 के सेती वर्तमान म निजी अउ शासकीय स्कूल म मोबाइल म ऑनलाइन क्लासेज चलत हावय। अउ जरूरतमंद बच्चा मनके स्मार्ट फोन के सेती पढ़ई प्रभावित होए ल देखत पुलिस अधीक्षक रायगढ़ संतोष कुमार सिंह ह पुलिस कार्यालय कोति ले 60 नया स्मार्ट फोन छात्र-छात्रा ल प्रदान करिन। कोविड ल देखत हुए 10 छात्र-छात्रा ल आज पुलिस अधीक्षक कार्यालय म एसपी संतोष सिंह ह स्वयं अपन हाथ ले स्मार्ट फोन के वितरण करत ओमन ला शिक्षा के प्रति प्रोत्साहित करिन। बाकि 50 स्मार्ट फोन जिला शिक्षा अधिकारी, रायगढ़ आर.पी. आदित्य ह जरूरतमंद लइका मनला वितरण करे बर दिए गिस। ये मउका म पुलिस अधीक्षक बताइन के जिला कलेक्टर भीम सिंह के डहर ले चलात मोबाइल दान योजना म योगदान देवत 60 नया स्मार्ट फोन कीमत करीब 4,10,200 रूपिया के व्यवस्था पुलिस कार्यालय कोति ले करे गे रिहिस जेला लइका मनला बांटे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।