कोविड-19 के लक्षण दिखे के 24 घंटा के भीतर कोरोना जांच जरूर कराव : स्वास्थ्य विभाग

अंजोर.रायपुर। कोरोना संक्रमण ले होवत मउत ल कम करे खातिर स्वास्थ्य विभाग ह पूरा मुस्तैदी ले बुता करत हावय। फेर लोगन डहर ले लापरवाही बरते के सेती मउत के आंकड़ बढ़ते रिहिसे। राज्य स्तरीय डेथ आडिट म ये जानकारी सामने आईस के 11 ले 17 दिसंबर के बीच अस्पताल म भर्ती होवइया के 24 घंटा के अंदर ही कुल मउत के 28 प्रतिशत मउत ये सेती होइसे के लक्षण दिखे के बाद तको लोगन कोरोना के जांच नइ कराइन अउ हालत बिगड़े म अस्पताल पहुंचिस। ये सेमी डाक्टर मन बार-बार समझाइश देवत हावय के सियान मनके जादा ख्याल रखव अउ सर्दी,बुखार, थकान, उल्टी-दस्त, भूख नइ लागे के लक्षण दिखे म तुरते जांच करावा। खुदे दवाई दुकान ले स्वयं दवाई लेके झिन खावा।