विधानसभा अध्यक्ष डॉ चरणदास महंत कोरोना पॉजिटिव, कुछ दिन बाद शीतकालीन सत्र होवइया हाबे

अंजोर.रायपुर। प्रदेश के विधानसभा अध्यक्ष डॉ चरणदास महंत ह आज सोशल मीडिया के माध्यम ले आरो दे हावय के उंकर कोरोना जांच रिपोर्ट ह पॉजिटिव आए हाबे। आम जनता ल सोर देवत ओमन ह लिखे हाबे के मैं अपन कोविड टेस्ट करायेव जेन ह पॉजिटिव आए हाबे। अऊ जेन कोनो भी मोर संपर्क म आए होहू तेने मन खुदे आइसोलट हा जाव अउ जरूरत परे म कोविड जांच कराहा। जानबा होवय के डॉ महंत के काली जनम दिन रिहिसे अउ आज कोरोना पॉजिटिव होए के आरो मिले हाबे, अउ कुछ दिन बाद विधानसभा सत्र होवइया आबे अइसन म फिकर अउ जादा बाढ़ जथे। जइसे ही कार्यकर्ता अउ सहयोगी मनला आरो मिलिस भगवान ले उंकर लघियात बने होए के प्रार्थना करे हावय। 

प्रिय जनो,
मैं आपको सूचित करना चाहता हूँ , आज मैंने अपना कोविड टेस्ट कराया जो पॉज़िटिव आया है। अगर आप मेरे सम्पर्क में आए है तो कृपया खुद को आइसोलट करे और आवश्यकता पड़ने पर कोविड जांच करायें।
आप सुरक्षित रहे , समाज को सुरक्षित रखें।
धन्यवाद . #COVIDー19

— Dr.Charan Das Mahant (@DrCharandas) December 15, 2020