मुख्यमंत्री हाट बाजार क्लीनिक योजना मरीज ल मिलत हाबे बेरा म ईलाज

अंजोर.रायपुर। छत्तीसगढ़ शासन ह दूर-दराज के इलाक म रहइया गांव के लोगन के ईलाज के व्यवस्था सुनिश्चित करे खातिर मुख्यमंत्री हाट बाजार क्लीनिक योजना के संचालन करत हावय । ये योजना के अंतर्गत दन्तेवाड़ा जिला के हाट बजार म मरीज के उपचार निरंतर जारी हावय। मुख्यमंत्री श्री भूपेश बघेल के विशेष पहल म बस्तर अउ दंतेवाड़ा जिला म पायलट प्रोजेक्ट के रूप म मुख्यमंत्री हाट बाजार क्लीनिक योजना जून 2019 म शुरू होए रिहिसे, तब ले जिला के 19 हाट बजार म मुख्यमंत्री हाट बाजार क्लीनिक लगाये जात हावय। अब तक येकर ले 45 हजार 6 सौ 36 मरीज के निःशुल्क उपचार करे जा चुके हावय।

साप्ताहिक हाट बजार म डॉक्टर अउ पैरामेडिकल टीम के ड्यूटी लगाये गे हावय, जोन निर्धारित चार्ट के अनुसार साप्ताहिक हाट बजार म बइठके बाजार अवइया मरीज के निशुल्क उपचार कर रहे हाबे। हाट बाजार क्लीनिक म मरीज मनके ना केवल उपचार करे जात हावय बल्कि बीपी, शुगर, मलेरिया आदि के जांच तको करत हावय। येकर अलावा माता अउ शिशु के टीकाकरण तको करे जात हावय। जिला म 19 जून 2019 ले 30 नवम्बर 2020 तक 45 हजार ले जादा मरीज के उपचार करे गया हावय।