Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

पिथौरा बजार म चार लाख रूपिया के नकली नोट धरे तीन आरोपी गिरफ्तार


अंजोर.‍महासमुंद। पिथौरा के बजार म नकली नोट खपाये के फिराक घुमत आरोपी आइस पुलिस के सपड़। मिले आरो के मुताबिक पुलिस अधीक्षक ल सूचना मिलिस के हाइवे गढबेडा चौक पिथौरा तिर कुछ आदमी घुमत हावय जेकर तिर बहुत पइसा हावय अउ ओमन बड़े नोट ल छोटे नोट म बदले के प्रयास अउ छोटे व भीड-भाड वाले दुकान म जाके नकली नोट ले समान के खरीदी करत हावय। सूचना म तत्काल पुलिस के टीम मौका म पहुचके संदिग्ध के पता तलाश म जुटगे। गढबेडा चौक पिथौरा के आगे रायपुर रोड म प्रेम लाल सिन्हा के पान दुकान के पास मोटर सायकल बिना नंबर वाली बजाज प्लेटिना म 3 व्यक्ति बइठे मिलिस। पूछताछ ओमन अपना नाम 01. तेजेश्वर दास मानिकपुरी पिता संतशरण मानिकपुरी उम्र 21 वर्ष जरौद कलाई थाना आरंग जिला रायपुर 02. योगेन्द्र दास मानिकपुरी पिता गोपूदास मानिकपुरी उम्र 21 वर्ष जरौद कलाई थाना आरंग जिला रायपुर अउ 03. अविनाश फुले पिता स्व. सुभाष फुले उम्र 23 वर्ष आदर्श कालोनी रायपुर के रहइया बताइन।

बारिकी ले पूछताछ करे म नकली नोट खपाये खातिर छोटे-बडे दुकान म जाके कम मात्रा म समान खरीद के नकली नोट ल खपाना बताइन। तेजेश्वर दास मानिकपुरी ह बताइस के ओहा यूट्यूब म देखके बिना कम्प्यूटर के नोट छापे ल सीखिस। अउ एचपी कंपनी के कलर प्रिंटर अउ बांड पेपर लाके 2000 रूपिया, 500 रूपिया, 200 रूपिया, 100 रूपिया,  20 रूपिया के नकली नोट छापना शुरू करिन। पुलिस ह तीनों आरोपी ले कुल 4,32,860 रूपिया के नकली नोट, एक एच.पी. कंपनी के कलर प्रिटंर, कैची, बांड पेपर, हरा टेप, स्कैच कलर पेन, प्रिंटर इंक, 03 नग मोबाईल बरामद कके जप्ती करत उंकर खिलाफ थाना पिथौरा म अपराध क्रमांक 317/20 धारा 489(A)(B)(C)(D), 34 भादवि कायम के विवेचना म लिए गे हावय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285