चार दिन बाद पकड़ाइस ग्राम रोहरा के विजय सेन के हत्यारा

अंजोर.भाटापारा। ग्राम रोहरा के विजय सेन के निर्मम हत्या के 3 आरोपी ल पकडि़स पुलिस। अंधा कत्ल के गुत्थी ल 4 दिन बाद सुलझाइस थाना भाटापारा ग्रामीण पुलिस। मिले आरो के मुताबिक शराब पार्टी देने के नाम म मृतक के हत्या के योजना बनाये गे रिहिस। भाभी के साथ अवैध संबंध अउ रिश्तेदार ल शराब गांजा म जेल भेजे के मुखबिरी के आशंका म बनाइन हत्या करे प्लान। जानबा होवय के पुलिस ल ग्राम रोहरा के इंदिरा सागर तालाब के नीचे पथरा ले कुचरके दर्दनाक हत्या करे लास मिले रिहिसे। पुलिस के जबर पूछताछ म गिरफ्तार आरोपी रवि यदु उर्फ लंबू पिता उम्र 28 साल साकिन रोहरा, राम नारायण यदु पिता हरकू यादव उम्र 20 साल साकिन रोहरा अउ एक अपचारी बालक ह अपन गुनाह कबुल करे हावय।