अंजोर.बिलासपुर। बिलासपुर के ग्रीन पार्क म पाछू दिन घर म घुसके सियानीन संग लूटपाट के गम्भीर घटना म पुलिस के 8 टीम के अथक प्रयास ले दूनो आरोपी ल गिरफ्तार करे म सफलता मिले हाबे। पुलिस कोति ले मिले आरो के मुताबिक आरोपी मन तिर ले 18 तोला सोना के जेवर सहित पूरा सामान बरामद होगे हाबे। जबर बुता करइया जांच टीम ल डीजीपी कोति ले पुरस्कार के घोषणा तको करे गे हावय। बिलासपुर पुलिस के आईजी अउ एसपी के मार्गदर्शन म पुलिस के वरिष्ठ अधिकारी समेत गठित 8 टीम ह सरलग प्रयास करिन तब ये सफलता मिलिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।