Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

वनमंलाधिकारी ह करिस आटी इमली प्रसंस्करण कार्य के निरीक्षण


अंजोर.कोण्डागांव। प्रबंध संचालक जिला वनोपज़ सह. मार्या. केशकाल कोति ले मिले विज्ञप्ति अनुसार वनमण्डल म आटी इमली ले फूल बनाइया बुता के ग्रामीण अउ स्व-सहायता समूह के माध्यम ले करे जात हावय। ये सिलसिला म दिनांक 04 दिसम्बर 2020 के वनमण्डल अधिकारी धम्मशील गणवीर भा.व.से. कोति ले ग्राम सोडमा अउ ग्राम भंडार-सिवनी के निरक्षण करे गिस। ये बखत वनमण्डल अधिकारी ह समिति प्रबंधंक, फडमुंशी अउ ग्रामीण ले वार्तालाप करत ओ मनला बुता ल गुणवत्तापूर्ण करे के समझाईस दीस संग म वनमंडलाधिकारी ह स्व-सहायता समूह के सदस्य अउ ग्रामीण ल ये कार्य के महात्व समझात एक वैकल्पिक आय के साधन बताइन अउ ये बुता खातिर युवा वर्ग ल केंद्रित करत हुए सम्पूर्ण परिवार के सदस्य ल जोड़े के बात कहिन।

ये वर्ष संपूर्ण केशकाल वनमण्डल म कुल 6000 क्विंटल इमली के उत्पादन होय हावय जोन प्राथमिक लघु वनोपाज़ सहकारी समिति कोति ले एकत्रित करके प्राथमिक प्रसंस्करण खातिर वनमण्डल के विभिन्न ग्राम तक पहुंचाए जात हावय। प्राथमिक प्रसंस्करण म ग्रामीण कोति ले इमली ल सूखा करके उंकर सफाई अउ बीजहा के निष्कर्षण करे जाही, जेकर ले उत्पाद स्वरूप फूल इमली के प्राप्ति होही। फूल इमली ल आगू के प्रसंस्करण खातिर वनधन केन्द्र म भेजे जाही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285