अवैध रेत उत्खनन म कड़ा कार्रवाई करे निर्देश : मुख्य सचिव अमिताभ जैन

अंजोर.धमतरी। प्रदेश के मुख्य सचिव अमिताभ जैन ह आज प्रदेश के कलेक्टर अउ पुलिस अधीक्षक के वीडियो कॉन्फ्रेंसिंग के जरिए बइठक लेके कई मुद्द म समीक्षा करिन। ये मउका म ओमन रेत के अवैध उत्खनन म सख्ती ले प्रतिबंध लगाये के निर्देश दिय। जेमा कलेक्टर जय प्रकाश मौर्य ह जिला म मुख्य सचिव के निर्देश के कड़ाई ले पालन करे बर किहिन। अउ खनिज विभाग के अमला ल ओवर लोडेड रेत वाहन म कड़ाई ले जुर्माना लगाये के निर्देश दिस हाबे। कलेक्टर ह किसान मनके के समस्या के त्वरित निराकरण खातिर बनाये टोल फ्री नंबर 100 अउ 112 के मॉनिटरिंग खातिर अतिरिक्त जिला दण्डाधिकारी दिलीप अग्रवाल ल येकर नोडल अधिकारी बनाये गे हावय। ग्रामीण स्तर म व्यापक प्रचार-प्रसार करत दीवार लेखन कराये खातिर कलेक्टर ह निर्देशित करे हावय। जानबा हावय के आज के वीसी म मुख्य सचिव ह किसान के समस्या के प्रति पूरा संवेदनशीलता दिखावत जल्दी कार्रवाई के निर्देश दिस हाबे। बताये गिस के किसान के शिकायत दर्ज करे अउ ओकर निराकरण खातिर उक्त टोल फ्री नंबर के उपयोग करे जा सकता हावय।

कलेक्टर ह बताइन के अवइया 14 दिसंबर ले राम वन गमन पथ म शुरू होवत विराट बाइक रैली अउ पर्यटन रथ यात्रा के प्रारंभिक तैयारी जिला म कर लेगे हाबे। इहां राम वन गमन पथ के प्रस्तावित रूट के 22 गांव म बाइक रैली के स्वागत करे जाही। ये मउका म नया रायपुर स्थित मुख्य सचिव कक्ष म कई विभागीय सचिव तको मौजूद रिहिन। जिला म एन.आई.सी. कक्ष म कलेक्टर के साथ पुलिस अधीक्षक बी.पी. राजभानु, वन मण्डलाधिकारी अमिताभ बाजपेयी, मुख्य कार्यपालन अधिकारी जिला पंचायत श्रीमती नम्रता गांधी अपर कलेक्टर दिलीप अग्रवाल उपस्थित रिहिन।