Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

रायगढ़ पुलिस के जवान मन सीखिन सड़क हादसा म पीड़ित ल तुरते मदद पहुंचाये के गुर


अंजोर.रायगढ़। जिला स्तर म सड़क सुरक्षा ल बढ़ावा दे अउ दुर्घटना म आहत पीड़ित ल तत्कालिक राहत प्रदान करे खातिर पुलिस अधीक्षक रायगढ़ के निर्देशन अउ अतिरिक्त पुलिस अधीक्षक के मार्गदर्शन म पुष्पेंद्र सिंह बघेल, उप पुलिस अधीक्षक यातायात ह पुलिस कंट्रोल रूम रायगढ़ म डायल 112 म कार्यरत राइनो के जवान मन खातिर प्रशिक्षण कार्यक्रम आयोजित करिन। प्रशिक्षण कार्यक्रम म डायल 108 के मैनेजर अमित श्रीवास्तव, मेडिकल टेक्नीशियन(EMT) राकेश बघेल, महेंद्र बंजारे अउ कुलदीप गुप्ता के सहयोग ले डायल 112 म कार्यरत 02 अधिकारी अउ 60 पुलिस कर्मचारी, 70 राइनो चालक ल आवश्यक त्वरित कार्यवाही अउ गोल्डन आवर म पीड़ित के जान बचाये खातिर करइया बेहतर अउ सुगम  चिकित्सा कार्यवाही के संबंध म प्रत्यक्ष अउ वेबीनार के माध्यम ले प्रशिक्षण कार्यक्रम आयोजित करके प्रशिक्षण दिए गिस।

मिले आरो के मुताबिक प्रशिक्षण कार्यक्रम म डायल 112 के चालक अउ पुलिस कर्मी मनला 1.घटनास्थल म पहुँच करके अवलोकन करना, एक्सीडेंट के कारण समझ करके आसपास के लोगन के प्रतिक्रिया देखके कंट्रोल ल सूचना देना। 2.एक्सीडेंट म घायल व्यक्ति के पूरा शरीर ल देखके समझना की ओला कतका उ कहाँ चोट लगे हावय। 3.घायल व्यक्ति के शरीर ले अतिरिक्त रक्त स्राव ल कइसे रोके जाये, अउ शरीर के टूटफूट ल देखत ओला कइसे अस्पताल पहुँचाये जाये। 4.घायल व्यक्ति ल कइसे सीपीआर देके ओकर मदद करे जाए। 5. विषम परिस्थिति म अगर डायल 112 ले गर्भवती महिला ल हॉस्पिटल पहुँचाना होही त का सावधानी बरते जाना चाहि। ये प्रशिक्षण कार्यक्रम म स्वयं पुलिस अधीक्षक रायगढ़ संतोष सिंह उपस्थित रहिके डायल 112 के जवान मनके हौसला अफजाई करत सुरक्षा के आवश्यक अउ महत्वपूर्ण दिशा निर्देश दिस।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285