भूपदेवपुर पुलिस के हाथ लगिस लूटपाट के आरोपी, दू बाइक अउ मोबाइल जप्त

अंजोर.रायगढ़। थाना भूपेदवपुर के ग्राम कांशीचुआ चारभाठा तिर लूटपाट करइया एक आरोपी ल भूपदेवपुर पुलिस गिरफ्तार करके लूट के बाइक, मोबाइल अउ घटना म प्रयुक्त बाइक के जप्ती करे हावय, अऊ ओकर साथी मनके पतासाजी करत हावय। मुखबिर ले मिले आरो म पुलिस ह संदेही मनके ठिकाना म दबिश दिये गिस। जेमा एक संदेही प्रदीप कुमार यादव ल पकड़ के थाना म पूछताछ करे ले ओहा बताइन के पण्डा साहू निवासी टूरकूमुडा चौकी जूटमिल अउ दू आन साथी जेला पण्डा पहचानथे संग लूट के घटना ल अंजाम दिये रिहिसे। पुलिस ह आरोपी प्रदीप कुमार यादव पिता संतोष कुमार यादव उम्र 25 वर्ष निवासी टुडकुमुडा सहदेवपाली ल गिरफ्तार करके आज न्यायिक रिमांड म भेजे गे हावय अऊ आन फरार आरोपी मनके खोज करे जावत हाबे।