अंजोर.रायपुर। मुख्यमंत्री भूपेश बघेल ह आज अपन निवास कार्यालय ले वीडियो कॉन्फ्रेंसिंग के जरिए राज्य निर्वाचन आयोग के नवा भवन के लोकार्पण करिन। नवा रायपुर अटल नगर के नार्थ ब्लॉक के सेक्टर 19 म ये भवन के निर्माण होए हावय। मुख्यमंत्री ह राज्य निर्वाचन आयुक्त ठाकुर रामसिंह सहित छत्तीसगढ़ राज्य निर्वाचन आयोग के अधिकारी, कर्मचारी ल बधाई अउ शुभकामनाएं देवत किहिन के सुविधाजनक नवा भवन म अधिकारी अउ कर्मचारी ल व्यवस्थित ढ़ंग ले काम करे के अवसर मिलही। लोकतांत्रिक देश म राज्य निर्वाचन आयोग के प्रदेश के स्थानीय निकाय अउ त्रिस्तरीय पंचायती राज संस्था के निर्वाचन कराये म महत्वपूर्ण भूमिका होथे। राज्य निर्वाचन आयोग ह पाछू 20 बछर ले अपन दायित्व के बखूबी निर्वहन करे हावय।
ये मउका म वन, आवास एवं पर्यावरण, विधि विधायी कार्य मंत्री मोहम्मद अकबर, कृषि मंत्री रविन्द्र चौबे, गृह मंत्री ताम्रध्वज साहू, पंचायत अउ ग्रामीण विकास मंत्री टी.एस. सिंहदेव, स्कूल शिक्षा मंत्री डॉ. प्रेमसाय सिंह टेकाम, नगरीय प्रशासन अउ विकास मंत्री डॉ.शिव कुमार डहरिया, खाद्य मंत्री अमरजीत भगत, महिला अउ बाल विकास मंत्री श्रीमती अनिला भेंड़िया, उद्योग मंत्री कवासी लखमा, लोक स्वास्थ्य यांत्रिकी मंत्री गुरू रूद्र कुमार, उच्च शिक्षा मंत्री उमेश पटेल, संसदीय सचिव शिशुपाल सोरी अउ चंद्रदेव राय, छत्तीसगढ़ राज्य गृह निर्माण मंडल के अध्यक्ष कुलदीप जुनेजा, छत्तीसगढ़ राज्य पाठ्य पुस्तक निगम के अध्यक्ष शैलेष नितिन त्रिवेदी, मुख्य सचिव अमिताभ जैन, नवा रायपुर अटल नगर विकास प्राधिकरण के अध्यक्ष आर.पी.मंडल संग अऊ बड़का अधिकारी मन जुरियाए रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।