दिव्यांगजन मनला सहानुभूति नहीं, संग देवा : मंत्री श्रीमती भेंड़िया

अंजोर.रायपुर। समाज कल्याण मंत्री श्रीमती अनिला भेंड़िया ह प्रदेशवासी विशेषकर दिव्यांगजन ल 3 दिसम्बर अंतर्राष्ट्रीय दिव्यांग दिवस के शुभकामनाएं दे हावय। ये मउका म श्रीमती भेंड़िया ह किहिन के निःशक्तजन ल विकास के समान अवसर उपलब्ध के खातिर राज्य सरकार संकल्पित हावय। ये दिशा म हर संभव प्रयास करे जात हाबे। ओमन किहिन के दिव्यांग म हौसला अउ प्रतिभा के कोनो कमी नइये। ओ मनला हमर सहानुभूति नहीं हमर संग के जरूरत हावय, जेकर ले दिव्यांगजन अपन हौसला ल उड़ान दे सकय। श्रीमती भेंड़िया ह किहिन के कुपोषण अउ बीमारी अधिकांश निःशक्तता के जड़ होथे। ये दिशा म सामाजिक जागरूकता अउ सहयोग के जरूरत हावय, जेकर ले हम भावी पीढ़ी ल स्वस्थ अउ सक्षम बना सकन।