Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

सुदुर अंचल के छात्रा मनला निजी मेडिकल कॉलेज म सरकार कराही भरती : मुख्यमंत्री भूपेश बघेल


अंजोर.दंतेवाड़ा। मुख्यमंत्री श्री भूपेश बघेल ह एक अउ संवेदनशील पहल करत प्रदेश के सुदुर अंचल जिहा नेटवर्क अउ अन्य तकनीकी कारण ले नीट क्वालिफाई होनहार छात्र-छात्रा जोन काउंसलिंग के खातिर करार बेरा म अपन पंजीयन नइ करा सके रिहिन ओमनला अब प्रदेश के निजी कॉलेज म पेमेंट सीट म प्रवेश देवाये के निर्देश दे गे हाबे। अइसन होनहार लइका मनके भविष्य अब सरकार संवारही। छत्तीसगढ़ राज्य निर्माण के बाद ये पहली बार आए के एमबीबीएस के खातिर निजी कॉलेज के पेमेंट सीट म लइका मनला राज्य सरकार के खर्च म दाखिला देवाये जाही। 
मुख्यमंत्री श्री बघेल ह किहिन हावय के कोनो लइका के भविष्य के संग कोई समझौता नइ होना चाहि। मुख्यमंत्री श्री बघेल ह प्रदेश के दूरस्थ आदिवासी अंचल के अइसन सबो होनहार बच्चा के एमबीबीएस म दाखिला के खातिर जिला प्रशासन ल आवश्यक कार्यवाही करे के निर्देश दे हावय। जानबा होवय के मुख्यमंत्री भूपेश बघेल के संज्ञान म जइसे ही ये बात आइस के दंतेवाड़ा जिला के 27 होनहार छात्र-छात्रा जेमन नीट क्वालिफाई करे हावय फेर नेटवर्क समस्याि के सेती प्रथम काउंसलिंग म रजिस्ट्रेशन नी हो सकिस। 
ये सम्बन्ध म जानकारी मिलते जिला प्रशासन डहर ले अपने स्तर म पंजीयन कराये के प्रयास करे गिस अउ राष्ट्रीय स्तर म दूसरइया काउंसलिंग के पहिली इंकर रजिस्ट्रेशन कराये गिस फेर छात्र मनके चयन नी हो सकिस। राज्य म पंजीयन खातिर दूसरइया नइ होए ल ओमन पंजीयन नइ करा सकिन। प्रथम काउंसलिंग के बाद येमा दू छात्रा कु. पदमा मडे अउ पीयूषा बेक एमबीबीएस म प्रवेश के पात्रता रखत हाबे। मुख्यमंत्री के निर्देश के बाद कलेक्टर दंतेवाड़ा ह छात्रा ल प्रदेश के निजी कॉलेजों म दाखिला के कार्यवाही करे जात हावय। मुख्यमंत्री ह यहू तको किहिन के आगू तको यदि येमा ले कोनो छात्र कटअप के बाद प्रवेश के खातिर पात्र पाये जाथे तो ओ मनला घलोक निजी कॉलेज के पेमेंट सीट म दाखिला दिलाये जाही अउ येकर खर्चा राज्य सरकार वहन करही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285