अंजोर.जगदलपुर। छत्तीसगढ़ म खेल के विकास के खातिर खेल अउ युवा कल्याण विभाग ह एक अउ बड़का उपलब्धि हासिल करे हावय। जेमा केन्द्र सरकार ह बस्तर जिला मुख्यालय जगदलपुर म 5 करोड़ के लागत ले सिंथेटिक टर्फ फुटबॉल ग्राउण्ड के साथ खिलाड़ी मनके खातिर रनिंग ट्रेक के स्वीकृति प्रदान करे हावय। जगदलपुर म सिंथेटिक टर्फ फुटबॉल मैदान बने ले बस्तर के खेल प्रतिभा ल आगू बढ़े के सुनहरा मउका मिलही।
जानबा होवय के प्रदेश म खेल ल बढ़ावा दे अउ खेल अधोसंरचना के विकास के खातिर मुख्यमंत्री श्री भूपेश बघेल के नेतृत्व म खेलबो-जीतबो-गढ़बो नवा छत्तीसगढ़ के परिकल्पना ल साकार करे जावत हावय। खेल अउ युवा कल्याण संचालनालय ह खेलो इंडिया योजना के तहत जगदलपुर बस्तर म सिंथेटिक फुटबाल ग्राउण्ड अउ रनिंग ट्रेक निर्माण के प्रस्ताव भारत सरकार ल प्रेषित करिन। मुख्यमंत्री श्री भूपेश बघेल के विशेष प्रयास ले भारत सरकार ह जगदलपुर म 5 करोड़ रुपिया के सिंथेटिक फुटबाल टर्फ ग्राउण्ड के साथ खिलाड़ी के खातिर रनिंग ट्रेक के निर्माण के प्रशासकीय स्वीकृति 18 दिसंबर 2020 ल जारी करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।