अंजोर.सूरजपुर। स्वास्थ्य सुविधा सहित आन मानव सेवा के कार्य ले जुड़े निस्वार्थ कार्य खातिर रेड क्रॉस सोसाइटी हमेशा ले ही जाने जाथे। एसो कोरोना महामारी म रेड क्रॉस सोसाइटी के वॉलिंटियर मन ह जोखिम भरे परिस्थिती म जेन समर्पण भाव ले काम करिन वो काबिले तारीफ हावय। रेड क्रॉस सोसाइटी ह सरी दुनिया म प्राकृतिक आपदा अउ युद्ध उक के बेरा सेवा करके मानवीय सेवा भाव के अतुलनीय उदाहरण प्रस्तुत करे हावय। ये बात इंडियन रेड क्रॉस सोसाइटी छत्तीसगढ़ के अध्यक्ष राज्यपाल सुश्री अनुसुइया उइके ह राजभवन के दरबार हॉल म आयोजित इंडियन रेड क्रॉस सोसाइटी छत्तीसगढ़ के राज्यपाल सम्मान समारोह के बखत अपन संबोधन म किहिन।
सम्मान समारोह म राज्यपाल के हाथ ले सूरजपुर जिला ल कोविड-19 म उत्कृष्ट कार्य के खातिर तृतीय पुरस्कार के रूप म प्रशस्ति पत्र अउ 25 हजार रूहपया के राशि ले सम्मानित करे गे हावय। अउ अधिकारी मनके श्रेणी म सूरजपुर के डॉ. आर एस सिंह प्रशस्ति पत्र अउ 10 हजार रूपिया के राशि अउ सरी राज्य म सर्व श्रेष्ठ वॉलिंटियर के रूप म रजनीश गर्ग ल प्रशस्ति पत्र अउ 5 हजार रूपिया के राशि ले सम्मानित करे गे हावय। येकर अलावा जिला के अफरोज खान, दीपा बघेल, शैलेंद्र कुशवाहा ल तको सम्मानित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।