पांच जिला के करीब दस लाख लइका ल लगही जैपनीज इन्सेफेलाइटिस ले बचाव बर टीका, श्री सिंहदेव करिस टीकाकारण के शुभारंभ

अंजोर
0


अंजोर.रायपुर। स्वास्थ्य मंत्री टी.एस. सिंहदेव ह आज प्रदेश म जैपनीज इन्सेफेलाइटिस टीकाकरण अभियान के ऑनलाइन शुभारंभ करिस। अभियान म पांच जिला बस्तर, बीजापुर, दंतेवाड़ा, कोन्डागांव अउ धमतरी के लगभग दस लाख बच्चा ल टीका लगाए जाही। ये अभियान 18 दिसम्बर तक संचालित चलही। जेमा ये जिला के एक वर्ष ले  15 वर्ष तक के सबो लइका ल जैपनीज इन्सेफेलाइटिस ले बचाव खातिर टीका लगाये जाही। स्वास्थ्य मंत्री श्री सिंहदेव ह टीकाकरण कार्यक्रम ल ऑनलाइन सुरू करत किहिन के ये अभियान ले जैपनीज इन्सेफेलाइटिस ले होवइया मउत ले रोके जा सकही। पहिली तको बस्तर जइसे क्षेत्रो म अभियान चलाके अउ लइका मनके टीकाकरण करके ये बीमारी म नियंत्रण करे गे हावय। जानलेवा बीमारी के बारे म सबो नागरिक अउ माता-पिता ल जागरूक रहना चाहि। येकर ले बचाव ही सबसे बेहतर रास्ता हावय। सरकार ह टीकाकरण के माध्यम ले ये बीमारी ल बच्चा तक पहुंचे ले रोके के पूरा कोशिश करत हावय।

श्री सिंहदेव ह स्वास्थ्य विभाग के मैदानी अमला के सराहना करत किहिन के ओमन दुर्गम अउ दूरस्थ क्षेत्र म लगातार पहुंच के लोगन के सेवा करत हावय। मलेरिया मुक्त बस्तर अभियान के सफलता म तको इही टीम के जबर भूमिका हावय। ओमन आगू उम्मीद जताईन के स्वास्थ्य विभाग के प्रतिबद्धता अउ सक्रियता ले ये टीकाकरण अभियान ल सफल बनाके हम जैपनीज इन्सेफेलाइटिस ले तको प्रदेश ल मुक्त रखे म कामयाब होबो। ये कार्यक्रम म स्वास्थ्य विभाग के अपर मुख्य सचिव श्रीमती रेणु पिल्लै, राष्ट्रीय स्वास्थ्य मिशन के संचालक डॉ. प्रियंका शुक्ला, राज्य टीकाकरण अधिकारी डॉ. अमर सिंह ठाकुर, यूनिसेफ, यूएनडीपी, विश्व स्वास्थ्य संगठन के प्रतिनिधि, महिला अउ बाल विकास, नगरीय प्रशासन विभाग के अधिकारी तको ऑनलाइन शुभारंभ कार्यक्रम म वीडियो कॉन्फ्रेंस ले शामिल रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !