असम के पूर्व मुख्यमंत्री तरूण गोगोई के निधन, सीएम बघेल ह दिवंगत आत्मा के शांति बर करिस प्रार्थना

जोर.रायपुर। असम के पूर्व मुख्यमंत्री तरूण गोगोई जी के आज गौहाटी म निधन होगे। आरो मिलते ही छत्तीसगढ़ के मुख्यमंत्री भूपेश बघेल जी ह निधन म गहरा दुख व्यक्त करे हावय। श्री गोगोई 86 वर्ष के रिहिन। मुख्यमंत्री श्री बघेल ह अपन शोक संदेश म किहिन के असम के पूर्व मुख्यमंत्री श्री तरूण गोगोई के निधन के समाचार दुःखद हाबे। ओमन असम के जनता के सेवा ल अपन जीवन के अंतिम लक्ष्य मान ले रिहिसे। उंकर निधन ह देश खातिर अपूरणीय क्षति आए। ये मउका म मुख्यमंत्री श्री बघेल ह श्री तरूण गोगोई के परिवारजन के प्रति संवेदना प्रकट करत, दिवंगत आत्मा के शांति खातिर ईश्वर ले प्रार्थना करिन।